பழமொழி நானூறு சங்கம் மருவிய காலத் தமிழ் நூல் தொகுப்பான பதினெண் கீழ்க்கணக்கு நூல்களுள் ஒன்று. அதன் சிறப்புப் பாயிரத்தையும், கடவுள் வணக்கத்தையும் சேர்த்து நாலடியால் அமைந்த நானூற்றொரு (401) பாடல்களைக் கொண்டது.

பொருளுரை:

தெங்கம்பழம் வயலின்கண் விழுகின்ற நீர் நிறைந்த மருதநிலத்தலைவனே! சிறந்த தொடர்ச்சியைஉடையாரை உடையது ஆகிப் புகழால்விளக்கம் உற்றுத்தொன்றுதொட்டு வந்த குடியின்கட் பிறந்தார் தத்தமக்குரிய ஒழுக்கத்தினை உடையராகிக் குடிக்கேற்ப ஒழுகுதல் ஆவின் நெய்யிடத்து ஆவின்பாலை ஊற்றிவிடல் போல்அஃது இனிமையைத்தரும் அல்லவா?

கருத்து:

தங்குடிக்கேற்ப நல்லொழுக்கினனாய் ஒழுகுதல் இனிமையைப் பயப்பதாகும்.

பொருளுரை:

தெளிவாக ஒலிக்கும் அருவியை உடைய மலை நாடனே! நாய் கதுவியதாயினும் உடும்பின் தசையை உயர்வு கருதி உண்பர் கள்ளியினிடம் பிறக்கும் அகிலையும் கரிய காக்கையது சொல்லையும் பிறந்த இடம்நோக்கி இகழாது உயர்வாகக் கொள்ளுமாறுபோல கீழாயினார் வாயிற் பிறந்ததேயாயினும் நல்லுரையாயின் இகழாது ஒழிக. (போற்றுதல்செய்க.)

கருத்து:

சிறந்த பொருள்களைஇழிந்தார் கூறினராயினும் இகழாது போற்றுதல் வேண்டும்.

பொருளுரை:

அத்தனே! நினது ஒழுக்கத்தை உன்னிடத்தினின்றும் அறிதலுடையார் இல்லை (நீயே அறிவாய் ஆகையால்) தமது ஒழுக்கத்தை ஆராய்தலிலராய்த் தம் சுற்றத்தார் ஒழுகிவந்த வரலாற்றையும் அறிதலிலராய் செவ்விய நடையைச் சேராத அறிவிற் சிறியார் போல் ஒழுகாது நினக்கு விதிக்கப்பட்ட நின்குடிக்கேற்ற ஒழுக்கத்தின்படியே ஒழுகக் கடவாயாக.

கருத்து:

ஒவ்வொருவரும் தத்தம் குடிக்கேற்ப ஒழுகுதல் வேண்டும்.

பொருளுரை:

உடுக்கை நாம் நினைத்த ஓசையையே ஒலியாநிற்கும் (அதுபோல) கூரிய நுட்பமான நூற்பொருளைக் கேட்டுணர்ந்த இயற்கையறிவு உடையவர்களுக்கேயானாலும் நீர்மையுடையது அன்று (என்று) அவருள் ஒருவர் முறைபிறழ்ந்து கருதிய இடத்து மீண்டும் அவரைத் தெளிவித்தல் தவத்தால் பெரியவர்களுக்கும் முடியாது. (அவர் கொண்ட கொள்கையின் கண்ணேயே நிற்பர்.)

கருத்து:

பிறர் ஐயுறாவண்ணம் ஒழுகுதல் வேண்டும்.

பொருளுரை:

(அறிவிலார்) தாம் செய்த குற்றத்தைப் போக்காதவர்களாகி பிறருடைய குற்றங்களைத் தீர்க்கும் பொருட்டு எங்கெங்கும் சென்று புகுதல் அகன்ற உலகின்கண் எவ்விடத்தும் வெள்ளாடு தனது வளியான் உண்டாய நோயைத் தீர்க்காது பிற உயிர்களுக்கு வாதத்தான் வரும் நோயைத்தீர்த்து விடுதலோ டொக்கும்.

கருத்து:

ஒவ்வொருவரும் தத்தம் குற்றங்களைப் போக்கிய பின்னரே பிறர் குற்றங் களையமுற்படுதல் வேண்டும்.

பொருளுரை:

பெரிய சக்கரவாளமாகிய மலைகளால் சூழப்பட்ட நீரை உடைய கடலால் வரையறுக்கப்பட்ட பூமியின்கண் தொக்க மலைகள் தேய்வடையும் பழிச்சொல் மாறுதலில்லை. (ஆகையால்) (இவர்க்கு இத்தீங்கு செய்து பழியை எய்தாதொழியின்) யான் கெடுவேன் என்று கருதப்பட்ட இடத்தும் தனக்கு ஒருசிறிதும் பழியைப் பயவாத செயல்களைச் செய்தலையே ஒவ்வொருவனும் விரும்புதல் வேண்டும்.

கருத்து:

தான் அழிய வரினும்பழியொடு பட்டவைகளைச் செய்யவேண்டா.

பொருளுரை:

குளிர்ந்த கடல் நாடனே! (ஒருவர் கொண்ட நோயை) மருந்துகொண்டு நீக்காவிட்டால் அந்நோய் அவரது வலியைப் போக்கிவிடும். (ஆதலால்) பொருத்தமில்லாத பழி எனப்படும் தீய நோய்க்கு அந் நோயைத் தீர்க்கும் பொருளாக நிற்பது ஒழுக்கமேயாம்; (அதுகொண்டு நீக்குதல் வேண்டும்.)

கருத்து:

ஒருவன் தான் கொண்டபழியை ஒழுக்கத்தாலன்றி நீக்கமுடியாது.

பொருளுரை:

செருந்திமரங்கள் பெரிய உப்பங்கழியின்கண் தாழ்ந்துவிளங்கும் அலைகளை வீசுகின்ற குளிர்ந்த கடல் நாடனே! அஞ்சாது உராய்ந்து நடப்பவர்களை அவர் உள்ளங் கால்கள் வருந்தும்படி நெருஞ்சிமுள்ளும் ஊறு செய்வதில்லை மிக்கபழியும் தன்னை அஞ்சிப் பாதுகாவாதவர்களுக்கு மனவருத்தம் செய்தல் இல்லை.

கருத்து:

நல்லோர் பழிக்கு அஞ்சுவர், தீயோர் அஞ்சார்.

பொருளுரை:

பசுக்கூட்டங்கட்கு வந்த அரிய துன்பத்தை நீக்கிய திருமாலையும் ஆநிரைகளுக்குத் தக்க இடையன் என்று உலகம் சொல்லா நிற்கும். (ஆகையால்) தேவர்க்கு மக்கட்கு எனல் வேண்டா - தேவர்க்கு உரைப்பது இது மக்கட்கு உரைப்பது இது வெனல் வேண்டப்படுவதன்று தீமையை எடுத்துக்கூறும் நாவினுக்கு வறுமை இல்லையாகலான்.

கருத்து:

பழித்துரைக்கப் புகுவார்க்கு உயர்ந்தோர் தாழ்ந்தோர் என்பதில்லை.