பழமொழி நானூறு சங்கம் மருவிய காலத் தமிழ் நூல் தொகுப்பான பதினெண் கீழ்க்கணக்கு நூல்களுள் ஒன்று. அதன் சிறப்புப் பாயிரத்தையும், கடவுள் வணக்கத்தையும் சேர்த்து நாலடியால் அமைந்த நானூற்றொரு (401) பாடல்களைக் கொண்டது.

பொருளுரை:

அரசன் நீதி கூறுமிடத்து எமக்கு இவர் (நட்டார் பகைவர்) இத்தன்மையை அது செங்கோன்மைக்குக் குற்றமாம் தமது கண்போல் வாராயினும் தகுதியற்ற செயல்களை அவர்களிடத்துக் கண்டபொழுது வன் கண்மையை உடையவனாகி அவர்களைத் தண்டிக்க தண்டஞ் செய்யாத கண்ணோட்ட முடையான் அரசினை ஆளும் தகுதியில்லாதவனே ஆவான்.

கருத்து:

அரசன் நடுநிலையிலிருந்து நீதி கூறவேண்டும்.

பொருளுரை:

அறிவு நிரம்பிய அமைச்சர்கள். மிகுதியானவைகளைக் கூறி இது பெருங் குற்றமல்லவென்று மறைத்து அன்றிரவு கழிந்த பின்னர் முன்னாள் பசுவின் கன்றின்மேல் தனது தேரைச் செலுத்தினவனை அவன் தந்தையும் அவன் மேல் தனது தேரைச் செலுத்தினான்; (ஆகையால்) செங்கோன்மைக்கு முதுமையுடையோனுக்கு ஒரு நீதி இளமையுடையானுக்கு ஒருநீதி என்பதில்லை.

கருத்து:

முதுமை இளமை கருதி நீதி கூறலாகாதென்பதாம்.

பொருளுரை:

கூறும் முறைமையை யறிந்து செல்வத்தை உடையவர்க்கும் வறுமையை உடையவர்க்கும் அரசன் செல்வம்வறுமை நோக்கி நடுநிலை யினின்றும் திரியாதவனாய் இருவர் மனமும் ஒப்புமாறு நீதி கூற வேண்டும் கூறும் முறையினின்றும் வழுவி நடுவுநிலையாக ஒழுகா தொழிவானாயின் அங்ஙனம் ஒழுகாத தன்மை தாயின் தனங்களை உண்ணுங் குழந்தைகளுக்கு ஒரு பக்கம் நீரொழுகி; பால் ஒழுகும் ஆறு - மற்றொரு பக்கம் பாலும் ஒழுகு மாற்றை ஒக்கும்.

கருத்து:

அரசன் செல்வம், நல்குரவு நோக்காது முறையறிந்து நீதி கூறுதல் வேண்டும்.

பொருளுரை:

அரசனுக்குரிய இலக்கணங்கள் நீங்காத அழகிய குளிர்ந்த மாலையை உடைய அரசர்கள் இறைப் பொருளுக்காக தன்னடியின் கீழ் வாழும் குடிகளை (மழையின்மை முதலிய காரணங்களால் பொருளில்லாத காலத்து) வருத்துதலைச் செய்யாமலும் பொருளுள்ள காலத்து வருத்திக் கொண்டவரைப் போலவும் கொள்ளாது எளிதாகக் கொள்ளுதலுமாகிய காலமறிந்து கொள்ளுதல் வண்டுகள் (மொட்டாகிய தேனில்லாத பூக்களை மலராத காலத்து) ஊதிச் சிதையாது தேன் நிறைந்து மலர்ந்த காலத்துத்தேனை எளிதாக உண்ணுமாற்றை (ஒக்கும்).

கருத்து:

அரசர்கள் குடிகளிடத்திலிருந்து வாங்கும் இறைப் பொருள்களைக் காலமறிந்து வருத்தாது வாங்குக.

பொருளுரை:

(அரசன்) தன் ஆணைக்குக் கட்டுப்பட்டு வாழ்கின்றவர்களே யாயினும் குடிகளிடத்து தமக்குச் சேரவேண்டிய மிகுந்த இறைப் பொருள்கள் அவர்களிடத்தில் நீண்ட நாட்கள் நிற்றலைச் செய்யவேண்டா; அரிந்த தாளின் தலையிலுள்ள நெல்லேயாயினும் கொள்ளுங் காலமறிந்து உடனே கொள்க; ஆராயுமிடத்து, (சேரக்கறக்கலா மென்று சிலநாள் விட்டுவைத்தால்) பாலுள்ள இடத்தில் (மடியில்) பின்னர்ப் பால் சுரத்தலில்லை யாதலால்.

கருத்து:

அரசன் இறைப் பொருளைச் சிறிது சிறிதாகக் காலமறிந்து கொள்க என்பதாம்.

பொருளுரை:

தன்னை நெருங்க அடைந்த குடிகளை துன்புறுத்தி கொடையினையுடைய அரசன் கொடுங்கோலை உடையவனாகி குடிகளிடத்தில் தாங்கொள்ளும் இறைப்பொருளை மிகுதியாகக் கொண்டு பின்னர் அவருக்கு வேண்டிய நன்மைகளைச் செய்தலான் அன்பு செய்யின் அச்செயல் மயிலினது உச்சிக் கொண்டையை அறுத்து அதற்குணவாக அதன் வாயில் இடுதலை ஒக்கும்.

கருத்து:

அரசன் இறைப்பொருளைத் துன்புறுத்தி மிகுதியாகக் கொண்டு பின்னர் எத்துணை செய்யினும் குடிகள் மகிழ்ச்சியடையார்.

பொருளுரை:

மிகுந்த அலைகள் பொங்கி எழுகின்ற கடல் நாடனே! தனது வெண்மையான கொற்றக்குடை நிழலின்கீழ் உயிர்வாழ்கின்ற குடிமக்கட்கு அரசன் செம்மையான கோலை யுடையவன் அல்லாதவிடத்து அவர்கள் செய்வது யாது? யானை தனது கரத்தால் தொட்டு அக்கலத்தை உருட்டி உண்ணின் அதனை மூடுங்கலம் வேறொன்றும் இல்லை யாதல்போல.

கருத்து:

கொடுங்கோலரசனின் கீழுள்ள குடிகள் இறந்து படுதலே செய்யத்தக்க செயலாம்.

பொருளுரை:

நீர்த்துளியையே உண்ணுகின்ற வானம்பாடியைப்போல செம்மையான ஒன்றினையே நோக்கித் தவம் செய்கின்றவர்களுள்ளும் எளியவர்களைச் சினந்திகழாதார் யாரும் இல்லை (அதுபோல) செருக்குப் பொருந்திய யானைப்படையை உடைய அரசர்களுக்கு தம்மோடு மாறுபட்டு ஒழுகும் எளிய அரசர்களை மேற்பட்டுச் சென்று போரிட்டு வென்று ஒழுகுவதேயல்லாமல் அது செய்யாது இகழ்ச்சியான் நீக்குதல் துன்பந்தருவதாம்.

கருத்து:

தன்னோடு மாறுபட்டொழுகும் எளிய அரசர்களை அரசன் உடனே சென்று வெல்க.

பொருளுரை:

குற்றமுடைய மனத்தனல்லாத மனதையும் சிறந்த வேற்றுமைத் துணை நலங்களையும் உடைய அரசன் யாவரிடத்தும் பொருந்திய அன்புடைய மனத்தனாகி ஒழுகின் வெல்லும் மனதுடைய அரசர்கள் வேண்டிய அளவு முகவுரை கூறிப் படையைத் திரட்டினால் அப்படைகள் என்ன செய்யும்? ஆயிரம் காக்கைகளை ஓட்டுவதற்கு இட்ட ஒரு கல்லைப்போல அவர் தோன்றிய துணையானே பறந்து செல்வர்.

கருத்து:

அரசர்கள் அன்பு ஒன்றே கொண்டு மறத்தை வெல்லலாம்.

பொருளுரை:

அழகிய கோல் போன்று திரண்டு விளங்குகின்ற தொடியை உடையாய்! அரசன் பகையரசர்மாட்டு கொடுங்கோன்மையைச் சிறிது விரும்பினானாயினும் தன்னிழற்கீழ் வாழ்வாரிடத்துச் செங்கோன்மை உடையவன் அல்லாதவிடத்து ஆழிப்படையை உடைய திருமாலேயாயினும் தன்னைச் சேர்ந்தவர்களும் இகழ்வார்கள்; தண்கோல் - தன்கீழ் வாழ்வாரிடத்துச் செலுத்தும் செங்கோலே உண்மையாக வெற்றியைத் தோற்றுவிக்கு மாதலான்.

கருத்து:

அரசனது வெற்றிக்கு அவனது செங்கோலே காரணமாம்.

பொருளுரை:

புன்னைப் பரப்பின்கண்ணே நீர் பாய்கின்ற மிக்க நீர் பொருந்திய கடலை உடைய குளிர்ந்தநாடனே! ஒரு மரத்தின் கீழே வைக்கப்பட்டுள்ள மரம் ஓங்கி வளர்தல் இல்லை (அதுபோல) அரசனது ஆணை செல்கின்ற விடத்து ஏனையோர் தம்மை மிகுத்துக் கூறும் தமது ஆணையை எப்பெற்றியால் செலுத்துவார்கள் (செலுத்தக் கூடாதாம்.)

கருத்து:

அரசன் ஆணையின்கீழ், பிறர், தமது, ஆணையைச் செலுத்துதல் இயலாதாம்.

பொருளுரை:

சிறப்பினை உடைய மேன்மை பொருந்திய மாலையை அணிந்த பெருத்த தோளினை உடையாய்! கன்னத்திலடக்கிய நீரைக் குடிக்கவும் செயலாம் உமிழவுஞ் செய்யலாம்; (அதுபோல) தம்மை வழிபாடு செய்தொழுகிய குடிமக்களை வலியராகச் செய்யவல்ல அரசர்கள் அக்குடி மக்களை அழிக்கினும் அன்றி ஆக்கினும் அவை அவராலியலும்; இதற்கு மெல்லப் பகுத்து அறிதல் என்னை?

கருத்து:

குடிமக்களை ஆக்கலும், அழித்தலும் அரசர்களால் செய்ய இயலாது.

பொருளுரை:

மலைமீதுள்ள மூங்கிலை வருத்தும் மென்மையான தோள்களைஉடையாய்! தலைமை நிலையைப் பெறவேண்டும் என்று கருதும் தன்மை உடையவர்களை அரசன் அவர் அஃதிலராகப் புறத்தே நடிக்கும் வஞ்சக நிலையால் அவரைத் தம்மையொப்பத் தலைமை செய்து தான் சோர்ந்திருத்தல் அங்ஙனமிருத்தல் ஓர் அறையினுள்ளேயே ஒருவன் பாம்போடுகூடத் தங்கியிருத்தலை ஒக்கும்.

கருத்து:

வஞ்சனை உடையாரைத் தலைமை செய்து அரசன் சோம்பி இருத்தல் ஆகாது.

பொருளுரை:

முல்லைமலரை ஒத்த புன்முறுவலை உடையாய்! இயமன் உயிரினைக் கொள்ளுங்காலத்தில் அவர்தங் குறிப்பினையும் தன்னால் உயிர்கொள்ளப் படுதலுடையார் கூறும் மாற்றத்தினையும் ஆராய்ந்து அறிவதில்லை; (அதுபோல) அரசன் குடிகளை மிகவும் விரைந்து துன்புறுத்தி அடிமை கொள்ளின் செய்வது என்ன இருக்கின்றது?

கருத்து:

குடிகளை முறையின்றித் துன்புறுத்தி அடிமைகொள்ளும் அரசன் கூற்றுவனை ஒப்பான்.

பொருளுரை:

உடைமையாகிய மிக்க செல்வத்தினை உடைய உயர்ந்த பெருமை தரத்தக்க முதன்மையை அடக்கமில்லாத உள்ள முடையனாகி ஒழுக்கத்தினும் தூய்மையுடையவன் அல்லாதவனிடத்து அரசன் கொடுத்தல் குரங்கினது கையில் கொள்ளியைக் கொடுத்து விடுதலை ஒக்கும்.

கருத்து:

அரசன் அற்பர்களுக்கு முதன்மையை அளிப்பது தீமையை அளிக்கும்.

பொருளுரை:

உலகினை ஆளக்கடவேம் எனக் கருதும் அரசர்கள் வரையறையென்ப தொன்று இல்லாமல் தீமை செய்தவர்களையும் விரைந்து சினத்தலிலர்; கொல்லையுள் கூழ்மரமே போன்று - மனைப்படப்பையின்கண் ஒருவன் தனக்கு உணவாகப் பயன்படுமாறு வைத்து வளர்க்கப்பெறும் மரமே போல சொற்களால் வளைத்து தமது அடி நிழலின்கீழ் இருக்கச் செய்து பாதுகாத்துக்கொள்வர்.

கருத்து:

பகைவரையும் நட்பாகக் கொண்டு ஒழுகுதலே அரசனது ஆக்கத்திற்கு ஏதுவாம்.

பொருளுரை:

இலங்கையரசனுக்கு இளவலாகிய வீடணன் பொன்மயமான மாலையினையுடைய இராமனுக்குத் துணையாக தான் சென்று (அவனது சார்பைப் பெற்று) இலங்கைக்கே தலைவனாய அரசபதவியை அடைந்தான் பெரியோர்களைச் சார்பாகப் பெற்று (அங்ஙனம் சார்பாகப் பெற்ற தன்மையால்) பயன் அடையாதார் இல்லை.

கருத்து:

பெரியோரைச் சார்ந்தொழுகுவார் பயன்பெறுவர் என்பதாம்.