பழமொழி நானூறு சங்கம் மருவிய காலத் தமிழ் நூல் தொகுப்பான பதினெண் கீழ்க்கணக்கு நூல்களுள் ஒன்று. அதன் சிறப்புப் பாயிரத்தையும், கடவுள் வணக்கத்தையும் சேர்த்து நாலடியால் அமைந்த நானூற்றொரு (401) பாடல்களைக் கொண்டது.

பொருளுரை:

பொருந்திய அன்பினை உடைய உமையை ஒரு கூறாக தண்டினையும் வெல்லுகின்ற ஏற்றுக் கொடியினையும் உடைய சிவபிரான் ஏற்றுக் கொண்டான் தம்மொடு நட்புச் செய்தாரைத் தாம் அடைந்தவிடத்து அங்கே விட்டு நீங்காத தம் உடம்புமுழுதும் கொள்வார்கள்.

கருத்து:

நல்லோர் தம் நட்பினரிடத்துத் தாம் வேறு, அவர் வேறு என்னும் வேறுபாடின்றி ஒழுகுவர்.

பொருளுரை:

வளைந்த உப்பங்கழிகளை உடைய குளிர்ந்த கடல் நாடனே! குற்றம் இன்றி நட்புப் பூண்டவர்களுக்கு அவரின் நட்பினர் கூறிய சொல்லும் அதன் பொருளும் வேறுபடாது ஒன்றேயாம் பொருள் வேறாக மனத்தில் நினைத்துக் கொண்டு வஞ்சனையால் விளக்கிக் கூறுதல் ஒருவனது பா ஒன்றினைச் செலுத்தி வெண்பாவாக செய்து கொள்ளுகின்ற ஒன்றை ஒக்கும்.

கருத்து:

மனம் வேறு, சொல் வேறாக, நட்பினரிடத்தில் கூறுதல் மிக்க வஞ்சனை பொருந்தியதாகக் கருதப்படும்.

பொருளுரை:

விளங்குகின்ற அருவிகள் பாய்ந்து இழியாநின்ற மலைநாடனே! விலங்கேயாயினும் தன்னோடுகூடி வசித்து மனத்தாற் கலந்தாரை விட்டு நீங்குதல் செய்யாது. (ஆதலால்) தம்மோடு நட்புச்செய்து துன்பத்தை விளைவிக்கும் பேயேயானாலும் விட்டுப் பிரிதல் துன்பத்தைத் தருவதாம்.

கருத்து:

தம்மோடு கலந்து பழகி மனம் ஒன்றுபட்ட நண்பினரைப் பிரிதல் துன்பந்தருவதாம்.

பொருளுரை:

அலைகள் சினங்கொண்டு வீசுதலால் அலைகின்ற கடலை உடைய நாடனே! பனிநீரால் குளம் நிறைதல் இல்லை. (அதுபோல) தம்முடைய நட்டாரைப் பற்றிய வருத்தம் தீர்தற்கான முயற்சிகளை வெறுப்பின்றியே செய்தாராயினும் அவர் கூறும் முகமனால் அவர் உற்ற துன்பம் நீங்குவதில்லை.

கருத்து:

தம் நண்பினர் துன்புறுவரேயானால் அதற்கான முயற்சிகளைச் செயலிற்றாமே செய்து நீக்க வேண்டும்.

பொருளுரை:

நறு நாற்றத்தால் பிறவற்றை வென்று இயற்கை மணம் வீசுகின்ற கூந்தலை உடையாய்! நாயோடு நட்புச் செய்தால் சிறந்த உணவாகிய முயல் தசையை உண்பிக்கச் செய்யாதோ? (உண்ணச் செய்யும் அதுபோல) செல்வத்தால் மிகுந்த தாம் நண்பு பூண்டு ஒழுகுவதற்கு (நம்மைஒப்ப) இவரும் செல்வத்தால் தகுதியுடையவரா என்றாராய்தல் வேண்டா வறுமையால் மிக்கவர் நட்பேயானாலும் அவர் நட்பைப் பெறவேண்டும்.

கருத்து:

செல்வந்தர் வறுமையுடையாரோடும் நட்புச் செய்தல் வேண்டும்.

பொருளுரை:

இவரிடத்து வேற்றுமையின்றிப் பூண்ட நட்பினை உடையோம் என்று கருதி ஆராயாது தீயனவற்றைச் செய்து தாம் ஊர்ந்த பரிவும் இலராகி சேர்ந்தார் தம்மிடத்து இயல்பாக இருந்த சிறிய அன்பும் இல்லாதவர்களாகி ஒழுகுபவர்களது பழைமையையே பற்றுக் கோடாகக் கொண்டு புதிய நட்பினை நீக்கார் அறிவுடையோர் தீயன செய்யும் நட்பு முழம் இருத்தலைவிட அஞ்சத்தகும் நட்பு சாண்இருத்தலே நல்லது.

கருத்து:

தீயன செய்யும் பழைய நட்பைவிட அஞ்சத்தகும் புதியநட்பே நல்லது.

பொருளுரை:

கண்கள் விழித்தலை ஒத்து மலரும் நெய்தற் பூக்களை உடைய கடல் நாடனே! ஆராய்ந்து தூயதாகக் கொள்ளப்பட்ட நட்பினை உடையாரை பலர் இடையே இகழ்ந்து கூறமாட்டார்கள் அறிவுடையோர் என்ன காரணமெனில் (பிறரிடம் கூறினால்) தமக்கு இழிவைத் தருவனவற்றை கனவின்கண் கண்டாராயின் (தமக்கு இழிவு வரும் என்று கருதி) பிறரிடம் கூறார் (அதுபோல).

கருத்து:

அறிவுடையோர் தம் நட்பாரிடத்துள்ள குற்றங்களை தூற்றமாட்டார்கள்.

பொருளுரை:

பண்ணினது இயல்பைக் கொண்ட இனிமையான சொற்களையும் மூங்கில்போன்ற தோள்களையும் உடையாய்! நண்பு செய்து தம்மால் நிலை நிறுத்தப்பட்டவர்களை தாம் கண்கூடாகக் கண்ட குற்றம் அவர் மாட்டு இருக்கின்றன என்றறிந்தாலும் அறிவுடையோர் கோபிக்கமாட்டார்கள் தம்முடைய கன்றிற்குப் பால் விடாமல் அஃது இறக்கும்படி பசுவினைக் கறப்பவர் யாருமிலர் (அதுபோல).

கருத்து:

அறிவுடையோர் தம் நட்டார் குற்றம் செய்யினும் அதுகருதிச் சினத்தல் இலர்.

பொருளுரை:

அழகிய குளிர்ந்த கரைகளில் மோதுகின்ற அலைகள் மேன்மேல் வந்து வீசுகின்ற மிகுந்த நீரை உடைய கடல்நாடனே! ஒருவர்பொறுக்கும் பொறுமையால் இருவரது நட்பும் நிலைபெறுமாதலால் நட்டார்க்குத் தம்மால் செய்யப்பட்டதொரு தீமையில்லாதார் தம் நட்டார் தமக்குச் செய்த தீமையையும் எம்மால் செய்யப்பட்ட தீமையேஎன்று நினைத்துப் பொறுப்பார்கள்.

கருத்து:

நட்புப் பூண்டொழுகு மிருவருள் ஒருவராவது பொறுமை மேற்கொண்டொழுகுதல் அவர்கள் நட்பு நீடித்து நிற்பதற்கு ஏதுவாகும்.

பொருளுரை:

தெளிவாக அறைதலைப் பொருந்திய (ஒலிக்கின்ற) அழகிய வளையினை உடையாய்! பிணி நீங்க விரும்புவோர் வைத்தியனுக்கு நோயை மறைத்துச் சொல்லார் (விளங்கச் சொல்லுவர்). (அதுபோல) மிகவும் மனம் இரங்கி தனது துன்பத்தை அறியின் தீர்ப்பர் என்று தம்மால் கருதப்பட்டார்க்கு தாம் அடைந்த துன்பத்தைக் கூறுவார்கள் அறிவுடையோர்.

கருத்து:

அறிவுடையோர் தீர்க்கத்தக்கவரிடம் தம் குறையைக் கூறுவார்கள்.

பொருளுரை:

மொட்டுக்கள் முறுக்குடைந்து மலருகின்ற மாலையை உடைய மார்பனே! குறைவின்றி ஒருவர் செல்வமுடையராய பொழுதின்கண் சமைத்த உணவினை உண்ணவருவோர் ஆயிரம் பேர் உளராவர் கலியுகமாகிய காலத்தில் செல்வம் இல்லாதவர்க்கு நட்பினர் ஒருவரும் இலர்.

கருத்து:

ஒருவன் செல்வமுடையனாய காலத்து அவனைச் சூழ்ந்து நிற்பதும், அஃதிலனாய காலத்துப் பிரிந்து நிற்பதும் கீழ்மக்களது இயற்கையாகும்.