பழமொழி நானூறு சங்கம் மருவிய காலத் தமிழ் நூல் தொகுப்பான பதினெண் கீழ்க்கணக்கு நூல்களுள் ஒன்று. அதன் சிறப்புப் பாயிரத்தையும், கடவுள் வணக்கத்தையும் சேர்த்து நாலடியால் அமைந்த நானூற்றொரு (401) பாடல்களைக் கொண்டது.

பொருளுரை:

(காம) விருப்பினால் (கண்களைப்பெடை வண்டுகள் எனக் கருதி) ஆண் வண்டுகள் பின் செல்லாநின்ற வாள்போலுங் கண்களையுடைய பெண்ணே! அறிஞர் தாம் கூறும் பொருள்களைக் கேட்கத்தக்காரைத் தேடி தம்மால் கூறப்படும் பொருளிடத்து அவர்களுக்கு விருப்பம் இருப்பதை அறிந்து சொல்லுவார்கள் அவையின்கண் தோல்வியடைதற் குரியனவற்றைக் கொண்டு போகார்.

கருத்து:

கற்றார் அவையறிந்து ஆராய்ந்து சொல்லுவர்.

பொருளுரை:

பெரிய மலைநாட்டை உடையவனே! (ஒரே காலத்தில்) இருவரும் ஒரு நாயைக்கொண்டு வேட்டை ஆடுதல் சிறிது காலமாயினும் இனியது ஆகாது. (அதுபோல) (மாறுபடுவோர் இருவருள்) ஒருவர் இப்பொருள் இத் தன்மைத்தென்று கூற மற்றொருவரும் இத் தன்மைத்தென்று கூறினால் அப்பொருளைக் கொண்டு மாறுபடுவோர் இருவரும் (ஒரே காலத்தில்) வாதஞ்செய்தால் தகுதியுடையதாகுமா? ஆகாது.

கருத்து:

வாதம் செய்வோர் ஒருவர்பின் ஒருவராகப் பேசுதல் வேண்டும்.

பொருளுரை:

வினவுவானும் விடைகொடுப்பானுமாகிய இருவரும் கூடிச் சொல்லத் தொடங்கிய வார்த்தையின்கண் பின்னாக விடைகூறத் தக்கவன் வினாவறியாது முற்பட்டு ஒன்றனைக் கூறினால் விடை கூறுதலறியாதவனாய் முடியும் வினாவிற்கு முன்னர் விடைகூறுதல் முந்தாள் கிழிந்துபுண் பட்டவனை அஃது அறியாது மூக்கை இழைகொண்டு கட்டுவதோடுஒக்கும்.

கருத்து:

வினாவறிந்து விடைகூறுதல் வேண்டும்.

பொருளுரை:

விளங்கிய அருவிகள் பாயும் மலை நாடனே! பண்பு இல்லாதவர்களோடு தேவர்களும் ஒருசொல் கூறுதற்குக்கூட வலிமை யில்லாதவர்களாய் முடிவர். ஆகையால் கல்லாதும் கேளாதும் கற்றார் அவை நடுவண் சொல் ஆடுவாரையும் - நூல்களைக் கற்றாரிடம் கல்லாதும் கேளாதும் அறிஞர்களது அவையிடைச் சிலசொல் சொல்லுத லுடையாரையும் (இவரோடு வாதாடின் நாம் தோற்போம் என்றெண்ணி) அஞ்சும் தகுதியைஉடையது.

கருத்து:

கற்றார்கல்லாரோடு வாதாடுதல் கூடாது.

பொருளுரை:

கல்வி கேள்விகளில் விரிவு உடைய இயற்கை அறிவினார் இடையில் நுழைதற்குத் தகுதியற்ற கயவர்கள் புகுந்து (தம் சொற்களை யாரும் விரும்பாமல் இருக்கவும்) தாமே மாறுபாட்டினால் வீணான பயனற்றவற்றைக் கூறுதல் பாணர்கள் தெருவில் ஒருவன் வாய்திறந்து பாடுவதைப்போல அஃது ஆகும் அல்லவா!

கருத்து:

கற்றாரிடைக் கல்லார் வீண் வார்த்தைகளைப் பேசாதொழிதல் வேண்டும்.

பொருளுரை:

கல்லார் தம் மானமும் நாணும் அழிதலை அறியாராய் புத்தி மயக்கத்தை யடைந்து பல நூல்களையும் அறிவார் நடுவிற் புகுந்து அவர்களை ஒப்பத் தாமும் இருந்து நூல்களை வினாவி உரைக்கப்புகுதல் யானையைப் பல்பிடித்துப் பார்க்கப் புகுதல் போல் யாவர்க்கும் நகைதருஞ் செயலாகும்.

கருத்து:

கற்றார் அறிவின் திறனைக் கல்லார் அறிய முயலுதல் நகைப்பிற்கிடனாம்.

பொருளுரை:

கல்வியறிவு இல்லாதார் அவையுள் முற்பட்டு (நல்லன) அல்லவற்றைக் கூறி (புல்லரை) வென்று வாழ்பவர் கல்வியறிவு உடையார் அவையுள் தானே புகுந்து பிறர் நாவடங்கும்படி கல்வியில் எல்லையின்றி அறிந்த அறிவுடையோர் அறிவினை இகழ்ந்து கூறுதல் (சிறந்த உணவுகள் இருக்க) மிளகின் உளுவை (உண்ணப் புகுவதனோடு ஒக்கும்).

கருத்து:

கல்லார் கற்றாரை இகழ்ந்து கூறின் தீமையை அடைவர்.

பொருளுரை:

கல்லார் கல்வி அறிவுடையோர் அவையைக் கண்ணுறுவராயின் தமது நாவினை மடக்கி நன்மை தீமை இன்ன தென்றறியாத புல்லர்கள் வாழும் அவையின்கண் தம்மைத் தாமே இல்லன கூறிப் புகழ்ந்துரைத்தல் பகைவரிடத்துள்ள அஞ்சாமையைக் கண்டு பின்வாங்குகின்றவன் வீட்டின் உள்ளே வில்லின்கண் அம்பை ஏற்றி கருங்கலங்களிடையே எய்வதனோடு ஒக்கும்.

கருத்து:

கல்லார் தம்மினத் தாரிடையே தம்மைப் புகழ்ந்து கொள்வர்.

பொருளுரை:

மனத்தின்கண் கவலை யிலராய் நன்மை தீமை அறியாதவராகிய மனவலியுள்ள கயவர்கள் நெருங்கியுள்ள அவையில் அலைத்து வாழ்கின்ற கயவன் ஒருவனுக்கு உயிர்க்குப் பயன்தரத் தக்கனவற்றைக் கூறுதல் கடலுள்ளே மாங்கனியை வடித்தாற் போலும்.

கருத்து:

கயவற்குஉறுதிப்பொருள்களைக் கூறுதலாகாது.